Ræðismaður Íslands í Færeyjum til viðtals

Pétur Gunnar Thorsteinsson, aðalræðismaður Íslands í Færeyjum, verður til viðtals þriðjudaginn 29. janúar nk. um viðskiptamöguleika, menningartengd verkefni og önnur hagsmunamál þar sem hann getur orðið að liði. Fundirnir verða haldnir á skrifstofu Íslandsstofu, Sundagörðum 2. Bóka viðtal

Nokkur laus pláss á Seafood Expo í Boston

Sjávarafurðasýningin Seafood Expo North America fer fram í Boston dagana 17. - 19. mars nk. Íslandsstofa skipuleggur þjóðarbás á sýningunni í samvinnu við viðskiptafulltrúa Íslands í Norður-Ameríku. Framleiðendum og útflytjendum sjávarafurða gefst þar gott tækifæri til að koma á viðskiptasamböndum og auka sölu í Bandaríkjunum og Kanada. Skráningu lýkur 28. janúar nk. Nánar

Gestir Vakantiebeurs áhugasamir um Ísland

Íslandsstofa tók þátt í og skipulagði þátttöku Íslands á ferðakaupstefnunni Vakantiebeurs í Utrecht í Hollandi dagana 9.- 14. janúar sl. Að þessu sinni voru sex fyrirtæki á íslenska sýningarsvæðinu: Icelandair, Iceland Travel, Nordic Travel, Smyril Line, Travel East og Wow Air, ásamt Markaðsstofu Norðurlands. Nánar

Ísland tekur þátt í ferðakaupstefnu á Indlandi

Íslandsstofa hélt utan um þátttöku Íslands á ferðakaupstefnunni SATTE í Nýju Delí á Indlandi dagana 16. – 18. janúar. Ísland var síðast með þjóðarbás á þessari sýningu fyrir meira en tíu árum. Miðað við þann gríðarlega áhuga sem Ísland fékk var greinilega tímabært að taka aftur þátt í ár. Nánar

Sjávarútvegssýning í Kanada - áhugakönnun

Sjávarútvegssýningin Canadian International Seafood Show verður haldin í Montreal 25.- 26. september 2019, en þetta er í fyrsta sinn sem slík sýning fer fram í Kanada. Ef áhugi er fyrir hendi meðal íslenskra fyrirtækja mun Íslandsstofa skipuleggja þjóðarbás á sýningunni, í samstarfi við sendiráð Íslands í Kanada. Nánar

Matvælafyrirtækin stefna á útflutning til Bandaríkjanna

Í nýrri könnun sem Gallup framkvæmdi fyrir Íslandsstofu síðastliðið haust, voru forsvarsmenn íslenskra matvælafyrirtækja spurðir um þætti sem snúa að útflutningi matvæla. Í niðurstöðum kom m.a. í ljós að fyrirtækin - þvert á greinar - virðast helst horfa til Bandaríkjanna sem vænlegan kost til útflutnings. Þau telja líklegt að útflutningur á vörum þeirra muni aukast inn á núverandi markaði og einnig inn á nýja. Þá kom fram að aukinn áhugi er á sölu matvæla í gegnum netið og að fyrirtækin telja það jákvætt að tengja vörur sínar við upprunalandið Ísland. Niðurstöðurnar í heild má finna hér

Íslandsstofa

Sundagarðar 2

104 Reykjavik

Hafa samband

Afskrá mig af þessum lista